«Liverpul»ning sobiq himoyachisi Jeymi Karrager Ispaniya La Ligasining 20-turi doirasida «Real» «Levante»ni (2:0) mag‘lub etgan o‘yin vaqtida tunnelda ko‘z yoshi to‘kkani uchun madridliklar vingeri Vinisius Juniorni tanqid qildi. Shuningdek, angliyalik ekspert braziliyalik futbolchini bosh murabbiy Xabi Alonsoning ishdan ketishiga sababchi bo‘lganlikda aybladi.

«U — asosiy muammo. Murabbiy aynan shu sabab ishidan ayrildi. Bu qanday ishlashini hammamiz bilamiz. Ammo muxlislar hushtak chalgani uchun tunnelda yig‘lashni boshlama! Sen murabbiyning ishdan bo‘shatilishiga sababchisan! Unga hech qanday hamdardlik yo‘q. Codir bo‘lgan bu holat… Xabi Alonso «Real»ning afsonasi — murabbiy sifatida emas, futbolchi sifatida. U bu yerda Chempionlar ligasi va La Ligani yutib olgan. U, shubhasiz, o‘rganish jarayonida bo‘lgan yuqori saviyali yosh murabbiy.

Men Vinini bu holat uchun tanqid qilmaganman, chunki «Real» uchun bunday vaziyat odatiy. Ilgari ham boshqa o‘yinchilar shunday qilgan va murabbiy ishidan ayrilgan. Alonso nimaga qo‘l urayotganini yaxshi tushunardi. Lekin tunnelda yig‘lashni boshlama», — deya Karragerning so‘zlarini CBS Sports keltiradi.