"Atletiko Mineyro" hujumchisi Xalkning agenti Patrisiya Mendes "Aktobe" bilan muzokaralar olib borilayotgani haqidagi ma’lumotni rad etdi.
Avvalroq, insayder Ivan Karpov 39 yoshli braziliyalik futbolchi Qozog‘iston klubidan yiliga 2 mln yevro atrofida maosh so‘ragani haqida xabar bergan edi.
"Biz "Aktobe" bilan hech qanday muzokara o‘tkazmadik va o‘tkazmayapmiz. Xalk "Atletiko Mineyro" futbolchisi, uning klub bilan 2026 yil oxirigacha mo‘ljallangan shartnomasi bor," - dedi Mendes.
Xalk 2021 yildan beri "Atletiko Mineyro" sharafini himoya qilmoqda. U o‘tgan mavsumda 61ta o‘yinda maydonga tushib, 21ta gol urgan va 8ta golga hammualliflik qilgan.













