APLda qolish uchun kurash olib borayotgan Londonning "Vest Xem" klubi "Fulxem" vingeri Adam Traorening transferi bo‘yicha og‘zaki kelishuvga erishdi. Bu haqda jurnalist Fabrisio Romano o‘z ijtimoiy tarmoqlarida ma’lum qildi.
Kelishuv muvaffaqiyatli amalga oshirildi, tez orada hujjatlar almashinuvi va tibbiy ko‘rik bo‘lib o‘tadi. Adama Traore "Barselona" tarbiyalanuvchisi, kelib chiqishi malilik bo‘lgan ispaniyalik futbolchi. Uning hisobida Ispaniya terma jamoasi safida 8 ta o‘yin bor.
Transfermarkt portali ushbu futbolchini 8 million yevroga baholamoqda. Joriy mavsumda Traore 20 ta o‘yinda (har bir o‘yinda o‘rtacha 28 daqiqa) maydonga tushdi va 1 ta gol urdi.
