"Arsenal" bosh murabbiyi Mikel Arteta Angliya Premyer-ligasi 23-turidan o‘rin olgan "Manchester Yunayted"ga qarshi o‘yin haqida gapirdi. O‘yin ertaga, 25 yanvar kuni "Emireyts" stadionida bo‘lib o‘tadi.
«Mayklning kelishi yangi g‘oyalar olib keladi. O‘yinning shiddati doimo ortib boradi. Bu Manchester derbisida, ular o‘zini qanday tutgani va qanday o‘ynaganidan ma’lum bo‘ldi, shuning uchun biz haqiqatan ham qiyin o‘yinni kutamiz va albatta, bunga moslashamiz. Ammo biz uyda o‘ynaymiz va bu o‘yin biz uchun qanchalik muhimligini bilamiz," - deya Artetaning so‘zlarini keltiradi klub rasmiy sayti.
22-turdan so‘ng "Arsenal" 50 ochko bilan APL turnir jadvalida 1-o‘rinda bormoqda. "Manchester Yunayted" esa 35 ochko bilan 5-pog‘onadan joy olgan.
