"Арсенал" бош мураббийи Микель Артета Англия Премьер-лигаси 23-туридан ўрин олган "Манчестер Юнайтед"га қарши ўйин ҳақида гапирди. Ўйин эртага, 25 январь куни "Эмирейтс" стадионида бўлиб ўтади.
«Майклнинг келиши янги ғоялар олиб келади. Ўйиннинг шиддати доимо ортиб боради. Бу Манчестер дербисида, улар ўзини қандай тутгани ва қандай ўйнаганидан маълум бўлди, шунинг учун биз ҳақиқатан ҳам қийин ўйинни кутамиз ва албатта, бунга мослашамиз. Аммо биз уйда ўйнаймиз ва бу ўйин биз учун қанчалик муҳимлигини биламиз," - дея Артетанинг сўзларини келтиради клуб расмий сайти.
22-турдан сўнг "Арсенал" 50 очко билан АПЛ турнир жадвалида 1-ўринда бормоқда. "Манчестер Юнайтед" эса 35 очко билан 5-поғонадан жой олган.
