"Manchester Siti" ustozi Xosep Gvardiola himoyachi Mark Gexining debyutiga izoh berdi. Shanba kuni Gexi "Kristal Pelas"dan transfer qilinganidan keyin "shaharliklar" safida ilk bor maydonga tushdi.
"Gexining debyuti? Men u uchun juda xursandman. U o‘ziga ham, bizga ham juda talabchan. U boshqalarni yaxshiroq bo‘lishga majbur qiladi. Yaxshi o‘yinchilar tez moslashadi va o‘yinni tushunadi, shuning uchun ham u bugun yaxshi o‘ynadi" - dedi Gvardiola BBC Match of the Day nashriga.
"Manchester Siti" navbatdagi o‘yinini 28 yanvar, chorshanba kuni Chempionlar ligasi doirasida o‘z maydonida "Galatasaroy"ga qarshi o‘tkazadi.
