"Манчестер Сити" устози Хосеп Гвардиола ҳимоячи Марк Гехининг дебютига изоҳ берди. Шанба куни Гехи "Кристал Пэлас"дан трансфер қилинганидан кейин "шаҳарликлар" сафида илк бор майдонга тушди.
"Гехининг дебюти? Мен у учун жуда хурсандман. У ўзига ҳам, бизга ҳам жуда талабчан. У бошқаларни яхшироқ бўлишга мажбур қилади. Яхши ўйинчилар тез мослашади ва ўйинни тушунади, шунинг учун ҳам у бугун яхши ўйнади" - деди Гвардиола BBC Match of the Day нашрига.
"Манчестер Сити" навбатдаги ўйинини 28 январь, чоршанба куни Чемпионлар лигаси доирасида ўз майдонида "Галатасарой"га қарши ўтказади.
