"Liverpul" APLda qo‘shib berilgan daqiqalarda o‘tkazib yuborilgan gollar sabab uch marta mag‘lubiyatga uchradi.

Bugun Arne Slot jamoasi Angliya chempionatining 23-turida "Bornmut"ga imkoniyatni boy berib qo‘ydi - 2:3. Ikkinchi bo‘limga qo‘shib berilgan 5-daqiqada gol urgan "giloslar" vingeri Amin Adli yakuniy hisobni o‘rnatdi.

6-turda "qizillar" 97-daqiqada gol o‘tkazib yuborib, "Kristal Pelas"ga (1:2) yutqazgan bo‘lsa, 7-turda 95-daqiqada urilgan gol evaziga "Chelsi"ga (1:2) mag‘lub bo‘lgandi.

Bungacha mersisaydliklar APLning bir mavsumida qo‘shimcha daqiqalarda o‘tkazib yuborilgan gollar tufayli hech qachon bunchalik ko‘p o‘yinda mag‘lub bo‘lishmagandi.