"Ливерпуль" АПЛда қўшиб берилган дақиқаларда ўтказиб юборилган голлар сабаб уч марта мағлубиятга учради.
Бугун Арне Слот жамоаси Англия чемпионатининг 23-турида "Борнмут"га имкониятни бой бериб қўйди - 2:3. Иккинчи бўлимга қўшиб берилган 5-дақиқада гол урган "гилослар" вингери Амин Адли якуний ҳисобни ўрнатди.
6-турда "қизиллар" 97-дақиқада гол ўтказиб юбориб, "Кристал Пэлас"га (1:2) ютқазган бўлса, 7-турда 95-дақиқада урилган гол эвазига "Челси"га (1:2) мағлуб бўлганди.
Бунгача мерсисайдликлар АПЛнинг бир мавсумида қўшимча дақиқаларда ўтказиб юборилган голлар туфайли ҳеч қачон бунчалик кўп ўйинда мағлуб бўлишмаганди.
