"Liverpul" bosh murabbiyi Arne Slot tez orada iste’foga chiqariladi. Bu haqda MatchDay Central xabar berdi.
Manbaga ko‘ra, "Bornmut"dan uchralgan mag‘lubiyatdan keyin "Liverpul" rahbariyati Slotga bo‘lgan ishonchni butunlay yo‘qotgan. Ta’kidlanishicha, klubda niderlandiyalik bilan xayrlashish qarori allaqachon qabul qilingan. Ayni paytda mersisaydliklar Slot o‘rniga nomzodlarni baholamoqda.
Slot "Liverpul"ni 2024 yilda Yurgen Klopp o‘rniga qabul qilib olgandi. Birinchi mavsumdayoq "qizillar" Angliya chempioniga aylanishdi, ammo joriy mavsum ular uchun yaxshi o‘tmayapti. Ayni vaqtda "Liverpul" Premyer-ligada 23 uchrashuvda 36 ochko to‘plab, to‘rtinchi o‘rinda bormoqda. Peshqadam "Arsenal"dan mersisaydliklar 14 ochko ortda qolmoqda.













