Yarim himoyachi Bernardu Silva agenti Jorje Mendesh orqali "Barselona"ga yozda klubga o‘tishga tayyorligini ma’lum qildi. Bu haqda yakshanba kuni Ispaniyaning Sport nashri xabar berdi.
So‘nggi yillarda Bernarduni bir necha bor "Barselona" bilan bog‘lashdi, ammo turli sabablarga ko‘ra kelishuv amalga oshmadi.
Yozda "Barselona" Bernardu Silvani erkin agent sifatida o‘z safiga qo‘shib olishi mumkin. Shu bilan birga, Kataloniya klubi 31 yoshli portugaliyalik futbolchiga taklif bilan chiqishi fakt emas. "Ko‘k-anorranglilar" Silvaning darajasiga shubha qilmayapti, ammo ularda hozir maydon markazida muammo yo‘q.
"Barselona"ning g‘oyasi o‘z iste’dodlariga tayanish va tarkibda borlarini saqlab qolishdir," - deyiladi materialda.
Ammo yarim himoyachilardan birortasi ketsa, "Barselona" Bernardu Silvani o‘z safiga qo‘shib olishi mumkin. Portugaliyalik "Manchester Siti"da 2017 yilning yozidan buyon to‘p surib kelmoqda.
