O‘z vaqtida "Manchester Yunayted" sharafini himoya qilgan taniqli futbolchi Gari Nevill "qizil iblislar"ning so‘nggi uchrashuvlardagi o‘yiniga baho berdi.
Maykl Kerrik klub boshqaruviga kelgach, mankunianliklar APL peshqadamlari - "Manchester Siti" (2:0) va "Arsenal"ni (3:2) mag‘lub etishdi.
"Kerrik katta maqtovga loyiq, xuddi futbolchilar qilgan ishlari kabi. Ular o‘zlariga aytilgan hamma narsaga munosabat bildirishdi. O‘ylashimcha, endi ular Chempionlar Ligasi zonasida marraga yetib kelishadi," - deya Nevillning so‘zlarini keltiradi Sky Sports.
Angliya chempionatining 23-turidan so‘ng mankunianliklar 38 ochko bilan turnir jadvalida to‘rtinchi o‘rinni egallab turibdi.
