Ўз вақтида "Манчестер Юнайтед" шарафини ҳимоя қилган таниқли футболчи Гари Невилл "қизил иблислар"нинг сўнгги учрашувлардаги ўйинига баҳо берди.
Майкл Кэррик клуб бошқарувига келгач, манкунианликлар АПЛ пешқадамлари - "Манчестер Сити" (2:0) ва "Арсенал"ни (3:2) мағлуб этишди.
"Кэррик катта мақтовга лойиқ, худди футболчилар қилган ишлари каби. Улар ўзларига айтилган ҳамма нарсага муносабат билдиришди. Ўйлашимча, энди улар Чемпионлар Лигаси зонасида маррага етиб келишади," - дея Невиллнинг сўзларини келтиради Sky Sports.
Англия чемпионатининг 23-туридан сўнг манкунианликлар 38 очко билан турнир жадвалида тўртинчи ўринни эгаллаб турибди.
