Vinisiusning kelajagi hamon muhokama qilinmoqda, chunki braziliyalikning "Real" bilan amaldagi shartnomasi tugashiga bir yarim yildan kamroq vaqt qoldi. Aytishlaricha, madridliklar 25 yoshli forvardning maosh bo‘yicha talablari juda katta deb hisoblashadi.
Agar Vinisius "Real" bilan kelisha olmasa, unda yangi jamoa topishda muammo bo‘lmaydi. El Nacional xabariga ko‘ra, Vinisiusni klubda ko‘rishni "PSJ" prezidenti Nosir al-Helayfiy xohlamoqda. Parijliklar bosh murabbiyi Luis Enrike Vinisiusga shubha bilan qaramoqda, al-Xelaifiy esa bu ajoyib bitim bo‘lishiga ishonmoqda.
Qayd etilishicha, qatarlik shayx uchun bu "Real"dan o‘ch olish imkoniyati. Gap Kilian Mbappening erkin agent sifatida "Real"ga o‘tgani haqida ketmoqda. "PSJ", albatta, Vinisiusni tekinga emas, ma’lum miqdordagi pul evaziga qo‘lga kiritishi mumkin.
