Винисиуснинг келажаги ҳамон муҳокама қилинмоқда, чунки бразилияликнинг "Реал" билан амалдаги шартномаси тугашига бир ярим йилдан камроқ вақт қолди. Айтишларича, мадридликлар 25 ёшли форварднинг маош бўйича талаблари жуда катта деб ҳисоблашади.
Агар Винисиус "Реал" билан келиша олмаса, унда янги жамоа топишда муаммо бўлмайди. El Nacional хабарига кўра, Винисиусни клубда кўришни "ПСЖ" президенти Носир ал-Ҳелайфий хоҳламоқда. Парижликлар бош мураббийи Луис Энрике Винисиусга шубҳа билан қарамоқда, ал-Хелаифий эса бу ажойиб битим бўлишига ишонмоқда.
Қайд этилишича, қатарлик шайх учун бу "Реал"дан ўч олиш имконияти. Гап Килиан Мбаппенинг эркин агент сифатида "Реал"га ўтгани ҳақида кетмоқда. "ПСЖ", албатта, Винисиусни текинга эмас, маълум миқдордаги пул эвазига қўлга киритиши мумкин.
