O‘zbekiston milliy jamoa safida Xitoyga qarshi o‘tkazilgan bugungi uchrashuvda gol kiritgan futbolchilarimiz Behruz Karimov hamda Javohir Husanov o‘yindan keyin o‘z fikrlarini bildirib o‘tishdi.
"Bugungi o‘yin ajoyib o‘tdi. U menda juda katta taassurot qoldirdi. Bugun xarakter ko‘rsatib, o‘yinni yaxshi natija bilan yakunladik. Bu milliy jamoa safidagi ilk golimni urdim. Bundan albatta xursandman. Ushbu yig‘inda o‘zimni yaxshi tomondan ko‘rsatib, kelajakda milliy jamoaning eng yaxshi o‘yinchilaridan biri bo‘lishni maqsad qilganman.
Milliy jamoa futbolchilari bilan tez chiqishib ketdim. Ularning barchasini yaxshi taniyman. Keyingi bahsda tarkibda rotasiya bo‘lishi mumkin", — dedi Behruz Karimov.
"Ikkala jamoa ham bugun yaxshi harakat qildi. Birinchi yig‘inda tashkil etilgan ilk o‘yinda maydonga tushib, gol urish, albatta, bu zavqli. Keyingi bahsda ham maksimal harakat qilib, milliy jamoaga yordam berishga intilamiz" — dedi Javohir Husanov.













