Ўзбекистон миллий жамоа сафида Хитойга қарши ўтказилган бугунги учрашувда гол киритган футболчиларимиз Беҳруз Каримов ҳамда Жавоҳир Ҳусанов ўйиндан кейин ўз фикрларини билдириб ўтишди.

"Бугунги ўйин ажойиб ўтди. У менда жуда катта таассурот қолдирди. Бугун характер кўрсатиб, ўйинни яхши натижа билан якунладик. Бу миллий жамоа сафидаги илк голимни урдим. Бундан албатта хурсандман. Ушбу йиғинда ўзимни яхши томондан кўрсатиб, келажакда миллий жамоанинг энг яхши ўйинчиларидан бири бўлишни мақсад қилганман.

Миллий жамоа футболчилари билан тез чиқишиб кетдим. Уларнинг барчасини яхши танийман. Кейинги баҳсда таркибда ротация бўлиши мумкин", — деди Беҳруз Каримов.

"Иккала жамоа ҳам бугун яхши ҳаракат қилди. Биринчи йиғинда ташкил этилган илк ўйинда майдонга тушиб, гол уриш, албатта, бу завқли. Кейинги баҳсда ҳам максимал ҳаракат қилиб, миллий жамоага ёрдам беришга интиламиз" — деди Жавоҳир Ҳусанов.