FIFAning sobiq prezidenti Yozef Blatter AQSHda bo‘lib o‘tadigan 2026 yilgi jahon chempionati o‘yinlarini boykot qilishga chaqiruvni qo‘llab-quvvatladi.

U prezident Donald Tramp va uning ma’muriyatining mamlakat ichkarisidagi va tashqarisidagi xatti-harakatlariga ishora qildi. Xalqaro futbolda taniqli shaxs bo‘lgan Blatter AQSHning mezbon mamlakat sifatida munosibligini shubha ostiga qo‘ydi. X ijtimoiy tarmog‘idagi postida u Mark Piyetning o‘tgan hafta Shveysariyaning "Der Bund" gazetasiga bergan intervyusidagi izohlarini takrorladi.

Shveysariyalik huquqshunos va korrupsiyaga qarshi kurash bo‘yicha mutaxassis Piyet avvalroq FIFAning Islohotlarni nazorat qilish mustaqil qo‘mitasini boshqargan. Blatter 1998 yildan 2015 yilgacha FIFA prezidenti lavozimida ishlagan va korrupsiya tergovi fonida iste’foga chiqqan. Intervyuda Piyet shunday dedi: "Agar biz muhokama qilganlarning barchasini hisobga olsak, muxlislar uchun faqat bitta maslahat bor: Qo‘shma Shtatlarga bormang! Nima bo‘lganda ham, o‘yinni televizorda tomosha qilganingiz ma’qul. Kelganidan keyin esa muxlislar shuni bilishi kerakki, agar ular rasmiylarning talablarini qondira olmasalar, ular darhol eng yaqin reys bilan ortga qaytariladi".

Jahon chempionati 2026 yilning 11 iyunidan 19 iyuliga qadar AQSH, Kanada va Meksikada bo‘lib o‘tadi.