Diyego Simeone kadrlar yetishmovchiligiga duch kelmoqda va "Atletiko" qishki transfer oynasining so‘nggi kunlarini faol o‘tkazishni istamoqda. Mundo Deportivo xabariga ko‘ra, Madrid klubi "Bavariya" yarim himoyachisi Leon Goreska bo‘yicha muzokaralarni tezlashtirgan.
Goreskaning "Bavariya" bilan shartnomasi yozgacha mo‘ljallangan, ya’ni mavsum oxirida futbolchi erkin agentga aylanishi mumkin. Myunxenliklar hozirda Leonni 20 million yevroga baholamoqda. "Atletiko" klubi shartnomasi yakunlanayotganini inobatga olib, bu summani ortiqcha deb hisoblamoqda.
Leon Goreska 2025/2026 yilgi mavsumda 28 ta rasmiy o‘yinda maydonga tushib, bitta golli uzatmani o‘z hisobiga yozdirib qo‘ydi.













