Диего Симеоне кадрлар етишмовчилигига дуч келмоқда ва "Атлетико" қишки трансфер ойнасининг сўнгги кунларини фаол ўтказишни истамоқда. Mundo Deportivo хабарига кўра, Мадрид клуби "Бавария" ярим ҳимоячиси Леон Горецка бўйича музокараларни тезлаштирган.
Горецканинг "Бавария" билан шартномаси ёзгача мўлжалланган, яъни мавсум охирида футболчи эркин агентга айланиши мумкин. Мюнхенликлар ҳозирда Леонни 20 миллион еврога баҳоламоқда. "Атлетико" клуби шартномаси якунланаётганини инобатга олиб, бу суммани ортиқча деб ҳисобламоқда.
Леон Горецка 2025/2026 йилги мавсумда 28 та расмий ўйинда майдонга тушиб, битта голли узатмани ўз ҳисобига ёздириб қўйди.
