"Roma" futbolchisi Lorenso Pellegrini jurnalist Fabrisio Korona tomonidan yetkazilgan zararni qoplash uchun Rim sudiga murojaat qildi. Avvalroq, Korona o‘z saytida Pellegrinini ta’qib qilishda ayblagan qiz bilan intervyuni e’lon qilgan edi.
Tekshiruv qizning so‘zlari yolg‘on ekanligini aniqladi. Pellegrini uning obro‘siga jiddiy putur yetganini aytdi. U yetkazilgan ma’naviy zarar uchun kamida 100 ming yevro tovon puli olmoqchi.
Intervyu bergan qiz ham tergov ostida. Ushbu ish bo‘yicha dastlabki sud majlisi 17 martga tayinlangan.
