"Barselona" yarim himoyachisi Dani Olmo Dro Fernandesning "PSJ"ga ketishi haqida gapirdi.
"Har kimning o‘z sababi bor. O‘sha paytda mening o‘z sabablarim, Droning esa o‘z sabablari bor edi. Oxir-oqibat, bu juda achinarli, chunki klub unga umid bog‘lagandi. U allaqachon jamoaning mashg‘ulotlari va o‘yinlarida ishtirok etgan. Biz unga eng yaxshi tilaklarni tilaymiz," - deya Olmoning so‘zlarini keltiradi Barca Universal.
18 yoshli hujumkor yarim himoyachi Dro Fernandes "Barselona" tarbiyalanuvchisi hisoblanadi. U asosiy jamoa safida beshta o‘yinda maydonga tushdi va bitta golli uzatmani amalga oshirdi.
