"Барселона" ярим ҳимоячиси Дани Ольмо Дро Фернандеснинг "ПСЖ"га кетиши ҳақида гапирди.
"Ҳар кимнинг ўз сабаби бор. Ўша пайтда менинг ўз сабабларим, Дронинг эса ўз сабаблари бор эди. Охир-оқибат, бу жуда ачинарли, чунки клуб унга умид боғлаганди. У аллақачон жамоанинг машғулотлари ва ўйинларида иштирок этган. Биз унга энг яхши тилакларни тилаймиз," - дея Ольмонинг сўзларини келтиради Barca Universal.
18 ёшли ҳужумкор ярим ҳимоячи Дро Фернандес "Барселона" тарбияланувчиси ҳисобланади. У асосий жамоа сафида бешта ўйинда майдонга тушди ва битта голли узатмани амалга оширди.
