Madridning "Real" klubi bosh murabbiyi Alvaro Arbeloa jamoaning 2014 yilgi Chempionlar ligasidagi g‘alabasini yodga oldi.

"Benfika" stadionida kechgan finalda "qaymoqranglilar" qo‘shimcha bo‘limlarda hamshahri "Atletiko"dan ustun kelishgandi (4:1). Bu "qirollik klubi"ning eng nufuzli yevrokubokdagi o‘ninchi g‘alabasi bo‘lgandi.

Bugun "Real" Chempionlar ligasi umumiy bosqichining so‘nggi turida aynan "Benfika"ga qarshi o‘sha "Estadio da Lush"da maydonga tushadi.

"O‘sha final "Real"ning yangi davrini boshlab berdi. Bu klubimiz tarixidagi eng muhim lahzalardan biri. Ajoyib xotiralar. Umid qilamanki, bu safar ham shu yerda g‘alaba qozonamiz," - deya Arbeloaning so‘zlarini keltiradi Madrid Universal.