Мадриднинг "Реал" клуби бош мураббийи Альваро Арбелоа жамоанинг 2014 йилги Чемпионлар лигасидаги ғалабасини ёдга олди.
"Бенфика" стадионида кечган финалда "қаймоқранглилар" қўшимча бўлимларда ҳамшаҳри "Атлетико"дан устун келишганди (4:1). Бу "қироллик клуби"нинг энг нуфузли еврокубокдаги ўнинчи ғалабаси бўлганди.
Бугун "Реал" Чемпионлар лигаси умумий босқичининг сўнгги турида айнан "Бенфика"га қарши ўша "Эстадио да Луш"да майдонга тушади.
"Ўша финал "Реал"нинг янги даврини бошлаб берди. Бу клубимиз тарихидаги энг муҳим лаҳзалардан бири. Ажойиб хотиралар. Умид қиламанки, бу сафар ҳам шу ерда ғалаба қозонамиз," - дея Арбелоанинг сўзларини келтиради Madrid Universal.
