Kataloniyaning "Barselona" klubi yulduz vingeri Lamin Yamal Yevropa Chempionlar Ligasi musobaqasining so‘nggi turidan o‘rin olgan "Kopengagen"ga qarshi o‘yindan so‘ng o‘z fikrlarini bildirib o‘tdi. Unda "ko‘k-anorranglilar" 4:1 hisobida g‘alaba qozondi.

"Barselona" kuchli sakkizlikka kirishni maqsad qilgandi. Natijamizdan mamnunman. Menga Chempionlar Ligasida o‘ynash yoqadi, bu turnirda o‘zimni erkinroq his qilyapman. Jamoamizga hujumda ustunlik berayotganimdan mamnunman," - deya futbolchining so‘zlarini keltiradi Barca Blaugranes.

Ortda qolgan uchrashuvda Lamin gol va assistni o‘z hisobiga yozdirib qo‘ydi. "Ko‘k-anorranglilar" 16 ochko jamg‘arib, yakuniy beshinchi o‘rinni egalladi.