Каталониянинг "Барселона" клуби юлдуз вингери Ламин Ямал Европа Чемпионлар Лигаси мусобақасининг сўнгги туридан ўрин олган "Копенгаген"га қарши ўйиндан сўнг ўз фикрларини билдириб ўтди. Унда "кўк-анорранглилар" 4:1 ҳисобида ғалаба қозонди.
"Барселона" кучли саккизликка киришни мақсад қилганди. Натижамиздан мамнунман. Менга Чемпионлар Лигасида ўйнаш ёқади, бу турнирда ўзимни эркинроқ ҳис қиляпман. Жамоамизга ҳужумда устунлик бераётганимдан мамнунман," - дея футболчининг сўзларини келтиради Barca Blaugranes.
Ортда қолган учрашувда Ламин гол ва ассистни ўз ҳисобига ёздириб қўйди. "Кўк-анорранглилар" 16 очко жамғариб, якуний бешинчи ўринни эгаллади.
