"Manchester Siti" yarim himoyachisi Bernardu Silva chempionlik poygasi haqida gapirdi.
"Shaharliklar" Premyer-ligada "Arsenal"dan 4 ochko ortda qolib, 2-o‘rinni egallab turibdi.
"Angliyadagi tajribam davomida "Liverpul" ikkita, biz esa oltita chempionlikni qo‘lga kiritdik. "Arsenal" APLni yutganini ko‘rmadim. Ammo haqiqat shundaki, hozirda ular bizdan ko‘ra yaxshiroq holatda.
Afsuski, yilni salbiy kayfiyatda boshladik va ruhiy ustunlikka erishmadik. "Arsenal" yanada kattaroq farq bilan oldinlab ketishi mumkin edi, ammo bunday qilmadi va shu bilan bizga ozgina umid baxsh etdi. Oldinda hali ko‘plab o‘yinlar bor. APL chempionligi uchun kurashish ambisiyalarimiz bor," - deya Silvaning so‘zlarini keltiradi Mirror.
Bernardu Silva "Manchester Siti"da 2017 yilning yozidan buyon to‘p surib kelmoqda.
"Arsenal" so‘nggi bor 2003/2004 yilgi mavsumda Angliya chempionligini qo‘lga kiritgan.
