"Манчестер Сити" ярим ҳимоячиси Бернарду Силва чемпионлик пойгаси ҳақида гапирди.
"Шаҳарликлар" Премьер-лигада "Арсенал"дан 4 очко ортда қолиб, 2-ўринни эгаллаб турибди.
"Англиядаги тажрибам давомида "Ливерпуль" иккита, биз эса олтита чемпионликни қўлга киритдик. "Арсенал" АПЛни ютганини кўрмадим. Аммо ҳақиқат шундаки, ҳозирда улар биздан кўра яхшироқ ҳолатда.
Афсуски, йилни салбий кайфиятда бошладик ва руҳий устунликка эришмадик. "Арсенал" янада каттароқ фарқ билан олдинлаб кетиши мумкин эди, аммо бундай қилмади ва шу билан бизга озгина умид бахш этди. Олдинда ҳали кўплаб ўйинлар бор. АПЛ чемпионлиги учун курашиш амбицияларимиз бор," - дея Силванинг сўзларини келтиради Mirror.
Бернарду Силва "Манчестер Сити"да 2017 йилнинг ёзидан буён тўп суриб келмоқда.
"Арсенал" сўнгги бор 2003/2004 йилги мавсумда Англия чемпионлигини қўлга киритган.
