«Andijon» Antaliyadagi navbatdagi o‘rtoqlik o‘yinini Qozog‘istonning «Kaspiy» jamoasiga qarshi o‘tkazdi. O‘yin 1:0 hisobida raqib foydasiga hal bo‘ldi. Ammo maydonda ko‘rsatilgan xarakter, intizom va jangovorlik har qanday raqamdan ustun turadi.

Yomg‘ir ostida o‘tgan uchrashuv davomida andijonliklar butun o‘yin mobaynda raqibga qarshi qat’iy turdi, yuqori bosimda o‘ynadi, bir necha xavfli vaziyatlar yaratdi va himoyada uyushqoq harakat qildi.

«Andijon» so‘nggi daqiqada gol o‘tkazib yubordi — bu albatta futboldagi achchiq qismat. Lekin aynan shunday daqiqalar jamoani chiniqtiradi, kuchliroq qiladi va g‘alabaga tayyorlaydi.

«Kaspiy» - «Andijon» - 1:0 (0:0).
29 yanvar. Antaliya.
Hakamlar: Refat Chakmak, Maxmet Kisach, Arturu Arjan (barchasi - Turkiya).
«Kaspiy»: Jomart Dinmuhammad, Berat Diyermandji, Andre Amaral, Amandik Nabixonov, Nurali Yelemes, Maksat Taikenov, Luka Bozichkovich, Noxa Ndombassi, Bekzat Kabilan, David Yesimbekov, Bogdan Petrovich.
«Andijon»: Rahim Davronov, Nemanya Chalasan, Igor Golban, Ibrohim Yo‘ldoshev, Islom To‘xtaxo‘jayev, Damir Temirov, Muhammadkarim Toirov, Dragan Cheran, Doniyor Abdumannopov, Imeda Ashortia, Martin Boake.
Ikkinchi bo‘limda maydonga tushganlar: Usmonali Ismonaliyev, Abdulvohid G‘ulomov, Abdurahmon Komilov, Odil Abdumajidov, Muhammadkarim Toirov, Jamshid Boltaboyev, Po‘latxo‘ja Xoldorxonov, Sardor Azimov.
Gol: Bekzat Kabilan, 90 - 1:0.