Muhammad Saloh yozda «Liverpul»ni tark etishi deyarli aniq, shu bois mersisaydliklar misrlik yulduzning o‘rnini bosadigan yuqori saviyali futbolchini izlamoqda. Indykaila News xabar berishicha, «qizillar» «Bavariya» vingeri Maykl Olisega jiddiy e’tibor qaratmoqda.
Manbaga ko‘ra, «Liverpul» yozda katta taklif bilan chiqish ehtimolini ko‘rib chiqmoqda. Biroq Mayklni olib kelish imkoniyati to‘g‘ridan-to‘g‘ri Salohning ketishiga bog‘liq — bu maoshlar tuzilmasi bilan izohlanadi.
Fransuz futbolchisi «Bavariya» safida ajoyib mavsum o‘tkazmoqda: u 31 ta o‘yinda 13 ta gol urdi va 22 ta golli pas berdi. Transfermarkt portali Oliseni 130 million yevroga baholamoqda.
Olise yoshlar jamoalari darajasida «Arsenal», «Chelsi», «Manchester Siti» va «Reding» tizimlaridan o‘ynagan. Kattalar futbolida esa «Bavariya»ga o‘tishidan oldin Angliyada «Reding» va «Kristal Pelas» klublari safida to‘p surgan.
