Londonning «Tottenxem» klubi «Monako» vingeri Magnes Akliushni qo‘lga kiritish uchun faol kurash olib boradi. Bu haqda Tottenham Transfer News xabar bermoqda.

Manbaga ko‘ra, «shporlar» jamoaning hujum chizig‘ini kuchaytirishni rejalashtirgan va Akliush xarid uchun asosiy nomzodlardan biri hisoblanadi.

Avval ham «Tottenxem» 23 yoshli futbolistni sotib olishni maqsad qilgani aytilgan edi, ammo hozircha aniq qadamlar qo‘yilmagan.

Joriy mavsumda iqtidorli fransiyalik barcha musobaqalarda 27 ta o‘yin o‘tkazib, 3 ta gol urdi va 5 ta golli pas berdi.

Transfermarkt portali Akliushning qiymatini 45 million yevro deb baholamoqda.