Лондоннинг «Тоттенхэм» клуби «Монако» вингери Магнес Аклиушни қўлга киритиш учун фаол кураш олиб боради. Бу ҳақда Tottenham Transfer News хабар бермоқда.

Манбага кўра, «шпорлар» жамоанинг ҳужум чизиғини кучайтиришни режалаштирган ва Аклиуш харид учун асосий номзодлардан бири ҳисобланади.

Аввал ҳам «Тоттенхэм» 23 ёшли футболистни сотиб олишни мақсад қилгани айтилган эди, аммо ҳозирча аниқ қадамлар қўйилмаган.

Жорий мавсумда иқтидорли франциялик барча мусобақаларда 27 та ўйин ўтказиб, 3 та гол урди ва 5 та голли пас берди.

Transfermarkt портали Аклиушнинг қийматини 45 миллион евро деб баҳоламоқда.