«Barselona» sport direktori Deku nega klub braziliyalik vinger Estevaoni sotib olishga harakat qilmaganini izohladi. Estevao yozda «Palmeyras»dan «Chelsi»ga 45 million yevro evaziga o‘tgan edi.

«Estevaoni transfer qilish “Barselona” rejalariga kirmagan. Bu qaror uning sifati bilan bog‘liq emas, chunki u juda yaxshi futbolchi. Balki u chap qanotda o‘ynaganida vaziyat boshqacha bo‘lardi. U Laminga juda o‘xshaydi, garchi xarakteri boshqacha bo‘lsa-da», — dedi Deku.

Shuningdek, Deku Yamal va Estevao juda iqtidorli futbolchilar ekanini ta’kidladi, ammo hozir braziliyalik iqtidorning transferi «Barselona» uchun to‘g‘ri qaror bo‘lmasdi.

Joriy mavsumda 18 yoshli Estevao «Chelsi» safida 29 ta o‘yin o‘tkazib, 6 ta gol urdi va 3 ta golli uzatma amalga oshirdi.