«Барселона» спорт директори Деку нега клуб бразилиялик вингер Эстеваони сотиб олишга ҳаракат қилмаганини изоҳлади. Эстевао ёзда «Палмейрас»дан «Челси»га 45 миллион евро эвазига ўтган эди.

«Эстеваони трансфер қилиш “Барселона” режаларига кирмаган. Бу қарор унинг сифати билан боғлиқ эмас, чунки у жуда яхши футболчи. Балки у чап қанотда ўйнаганида вазият бошқача бўларди. У Ламинга жуда ўхшайди, гарчи характери бошқача бўлса-да», — деди Деку.

Шунингдек, Деку Ямал ва Эстевао жуда иқтидорли футболчилар эканини таъкидлади, аммо ҳозир бразилиялик иқтидорнинг трансфери «Барселона» учун тўғри қарор бўлмасди.

Жорий мавсумда 18 ёшли Эстевао «Челси» сафида 29 та ўйин ўтказиб, 6 та гол урди ва 3 та голли узатма амалга оширди.