"Barselona" bosh murabbiyi Xans-Diter Flik Joan Laporta klub prezidenti saylovida mag‘lub bo‘lsa, o‘z lavozimini tark etishi mumkinmi, degan savolga javob berdi.
"Bu kelajak masalasi. Hozircha men bu yerda baxtliman. Bunday savollarga 100 foiz javob bera olmayman. Yuqorida aytganimdek, klub uchun barqarorlik muhim. Jamoa atrofida sodir bo‘layotgan hamma narsa juda yaxshi. Transferlar uchun bizda unchalik ko‘p pul yo‘q, lekin biz qilayotgan hamma narsa to‘g‘ri ketmoqda.
Akademiya futbolchilarini tarbiyalayapmiz, jamoada ajoyib muhit, muxlislar bizni qo‘llab-quvvatlamoqda, kuchli aloqa bor. Gap barqarorlik haqida ketmoqda - aynan shu klub kelajagi uchun muhim deb hisoblayman," - dedi Flik jurnalistlarga.
La Ligada "Barselona" peshqadamlik qilmoqda, "Real" bir ochko ortda qolmoqda.
