"Барселона" бош мураббийи Ханс-Дитер Флик Жоан Лапорта клуб президенти сайловида мағлуб бўлса, ўз лавозимини тарк этиши мумкинми, деган саволга жавоб берди.
"Бу келажак масаласи. Ҳозирча мен бу ерда бахтлиман. Бундай саволларга 100 фоиз жавоб бера олмайман. Юқорида айтганимдек, клуб учун барқарорлик муҳим. Жамоа атрофида содир бўлаётган ҳамма нарса жуда яхши. Трансферлар учун бизда унчалик кўп пул йўқ, лекин биз қилаётган ҳамма нарса тўғри кетмоқда.
Академия футболчиларини тарбиялаяпмиз, жамоада ажойиб муҳит, мухлислар бизни қўллаб-қувватламоқда, кучли алоқа бор. Гап барқарорлик ҳақида кетмоқда - айнан шу клуб келажаги учун муҳим деб ҳисоблайман," - деди Флик журналистларга.
Ла Лигада "Барселона" пешқадамлик қилмоқда, "Реал" бир очко ортда қолмоқда.
