"Barselona" prezidenti Joan Laporta jamoaning Chempionlar ligasi umumiy bosqichidagi ishtirokidan qoniqish hosil qilganini aytdi.

Kataloniyaliklar so‘nggi turda "Kopengagen"ni yirik hisobda mag‘lub etib (4:1), 5-o‘rinni egalladi va to‘g‘ridan-to‘g‘ri 1/8 finalga yo‘l oldi.

"Biz sermahsul o‘ynashimiz kerak edi va buni uddaladik, beshinchi o‘rin bilan pley-offga chiqdik. Biz birinchi sakkizlikka kirdik, maqsadimiz ham shu edi. Bundan ayniqsa Flik xursand, chunki endi u mavsumning ikkinchi qismini katta xotirjamlik bilan rejalashtirishi mumkin.

Bu chempionatning eng yaxshi sakkizta klubidan faqat "Barselona" o‘z a’zolariga tegishli, qolganlarining egasi bor, bu hurmatga loyiq, lekin men buni aytishimning sababi shundaki, ba’zilar bizning modelimiz ishlamasligini ta’kidlashmoqda.

- "Real"chi?

- Ular o‘zlari hal qilishadi. Men e’tiborimni "Barselona"ga qaratishni afzal ko‘raman", - dedi Laporta La Vanguardia nashriga bergan intervyusida.