"Барселона" президенти Жоан Лапорта жамоанинг Чемпионлар лигаси умумий босқичидаги иштирокидан қониқиш ҳосил қилганини айтди.
Каталонияликлар сўнгги турда "Копенгаген"ни йирик ҳисобда мағлуб этиб (4:1), 5-ўринни эгаллади ва тўғридан-тўғри 1/8 финалга йўл олди.
"Биз сермаҳсул ўйнашимиз керак эди ва буни уддаладик, бешинчи ўрин билан плей-оффга чиқдик. Биз биринчи саккизликка кирдик, мақсадимиз ҳам шу эди. Бундан айниқса Флик хурсанд, чунки энди у мавсумнинг иккинчи қисмини катта хотиржамлик билан режалаштириши мумкин.
Бу чемпионатнинг энг яхши саккизта клубидан фақат "Барселона" ўз аъзоларига тегишли, қолганларининг эгаси бор, бу ҳурматга лойиқ, лекин мен буни айтишимнинг сабаби шундаки, баъзилар бизнинг моделимиз ишламаслигини таъкидлашмоқда.
- "Реал"чи?
- Улар ўзлари ҳал қилишади. Мен эътиборимни "Барселона"га қаратишни афзал кўраман", - деди Лапорта La Vanguardia нашрига берган интервьюсида.
