Serj Gnabrining «Bavariya» bilan amaldagi shartnomasi yarim yildan so‘ng tugaydi. Myunxen klubi vingerni yo‘qotishni istamaydi va unga 2028 yilgacha mo‘ljallangan yangi kelishuv taklif qildi. Jurnalist Ekrem Konur ma’lumotiga ko‘ra, 30 yoshli futbolchi bu taklifni ma’qullagan va tomonlar hamkorlik shartlari bo‘yicha to‘liq kelishuvga erishgan.

Nemis o‘yinchisining maoshi yiliga taxminan 15 mln yevrogacha qisqartiriladi. Joriy mavsumda Serj Gnabri Vensan Kompani jamoasida barcha musobaqalarda 25 ta o‘yin o‘tkazib, 7 ta gol va 8 ta golli uzatma qayd etdi.