"Real" bosh murabbiyi Alvaro Arbeloa jamoada "daxlsiz" futbolchilar bormi, degan savolga javob berdi.
«Men bu bahslarning barchasini tushunaman, lekin har doim maydonda eng yaxshilar bo‘lishini istayman. Ular jamoaga qancha ko‘p daqiqa bera olsa, shuncha yaxshi. "Vilyarreal" mehmoni bo‘lgan uchrashuvda, masalan, Vinisius bilan ajoyib vaziyatdan keyin ikkinchi gol urildi. Bunday o‘yinchilar istalgan vaqtda o‘yin taqdirini hal qilishga qodir. Ammo har doim "Real"ga muxlislik qilmaydigan va bunday futbolchilarni maydonda ko‘rishni istamaydigan odamlar bo‘ladi», - dedi Arbeloa matbuot anjumanida.
1 fevral, yakshanba kuni "Real" o‘z maydonida La Liga doirasida "Rayo Valyekano"ga qarshi bahs olib boradi.
