«Arsenal» yarim himoyachisi Bukayo Saka Angliya Premyer-ligasining 24-turi doirasida «Lids Yunayted»ga qarshi bahsni o‘tkazib yuboradi. Futbolchi o‘yin oldidan chigilyozdi mashg‘ulotida jarohat olgan. Uning o‘rniga asosiy tarkibda Noni Madueke maydonga tushdi. Bu haqda London klubining X ijtimoiy tarmog‘idagi rasmiy akkaunti xabar berdi.

Uchrashuv Toshkent vaqti bilan soat 20:00 da boshlandi. Ayni paytda "kanonirlar" 3:0 hisobida oldinda borishmoqda.

23 turdan keyin «Lids Yunayted» Angliya chempionati oliy divizioni turnir jadvalida 26 ochko bilan 16-o‘rinni egallab turibdi. «Arsenal» esa 50 ochko bilan turnir jadvalida peshqadam. Ikkinchi o‘rinda «Manchester Siti», uchinchi pog‘onada esa «Aston Villa» joylashgan — har ikki jamoada ham 46 ochkodan mavjud.