"Barselona" bosh murabbiyi Xans-Diter Flik "Elche"ga (3:1) qarshi o‘yinda Lamin Yamalning o‘yinidan olgan taassurotlari bilan o‘rtoqlashdi.

18 yoshli vinger o‘z hisobiga gol yozdirib qo‘ygan holda uchrashuv qahramoniga aylandi va jamoadoshlariga ko‘plab golli vaziyatlar yaratdi. Aynan ispaniyalik futbolchiga bellashuvning eng yaxshi o‘yinchisi sovrini topshirildi.

"Laminning ayni damdagi o‘yinidan juda mamnunman: hozir u nafaqat hujumga e’tibor qaratmoqda, balki himoyani ham o‘ylamoqda. Buni kuzatish juda yoqimli. Biz uning shu ruhda davom etishini istaymiz.

Yamal hali yosh, u o‘z mahoratini sezilarli darajada oshirishi mumkin. U aql bovar qilmas salohiyatga ega, biz unga muhtojmiz," - deya Flikning izohlarini keltiradi Barca Universal.