"Барселона" бош мураббийи Ханс-Дитер Флик "Эльче"га (3:1) қарши ўйинда Ламин Ямалнинг ўйинидан олган таассуротлари билан ўртоқлашди.

18 ёшли вингер ўз ҳисобига гол ёздириб қўйган ҳолда учрашув қаҳрамонига айланди ва жамоадошларига кўплаб голли вазиятлар яратди. Айнан испаниялик футболчига беллашувнинг энг яхши ўйинчиси соврини топширилди.

"Ламиннинг айни дамдаги ўйинидан жуда мамнунман: ҳозир у нафақат ҳужумга эътибор қаратмоқда, балки ҳимояни ҳам ўйламоқда. Буни кузатиш жуда ёқимли. Биз унинг шу руҳда давом этишини истаймиз.

Ямал ҳали ёш, у ўз маҳоратини сезиларли даражада ошириши мумкин. У ақл бовар қилмас салоҳиятга эга, биз унга муҳтожмиз," - дея Фликнинг изоҳларини келтиради Barca Universal.