Indoneziya mezbonlik qilayotgan qit’a birinchiligida 3-tur o‘yinlari davom etmoqda. Bugun "S" guruhidan o‘rin olgan terma jamoalar so‘nggi tur bahslarini o‘tkazishdi. Futzalchilarimiz guruh yetakchisi Yaponiya terma jamoasiga qarshi parketga chiqib, alamli tarzda mag‘lub bo‘lishdi. Birinchi bo‘limning 9-daqiqasida Shahram Fahriddinov gol urib jamoamizni oldinga olib chiqqandi, biroq ikkinchi bo‘limda "samuraylar" ikkita gol urib g‘alabani ilib ketishdi. Guruhning ikkinchi o‘yinida esa Tojikiston va Avstraliya terma jamoalari 1:1 hisobidagi durangga imzo chekdi.
Shu tariqa, Yaponiya 9 ochko bilan birinchi, O‘zbekiston esa 4 ochko bilan ikkinchi o‘rinda chorak finalga yo‘l oldi. Tojikiston va Avstraliya uchun musobaqa guruh bosqichining o‘zidayoq yakunlandi.
