«Barselona» La Liganing 22-turi doirasida «Elche»ni 3:1 hisobida mag‘lub etdi. Ushbu uchrashuvda Lamin Yamal, Ferran Torres va Markus Reshford gol mualliflariga aylanishdi. Reshford uchun bu joriy mavsumdagi o‘ninchi gol bo‘ldi.
Opta ma’lumotlariga ko‘ra, hozirgi mavsumda «Barselona» tarkibida olti nafar futbolchi 10 tadan ortiq gol urgan. Bu ko‘rsatkich Yevropaning beshta yetakchi chempionati orasida eng yaxshisi hisoblanadi. Qolgan hech bir jamoada uch nafardan ortiq futbolchi bunday natija qayd etmagan.
10+ gol urgan futbolchilar quyidagilar:
Ferran Torres (16), Rafinya Dias (13), Lamin Yamal (13), Robert Levandovski (12), Markus Reshford (10) va Fermin Lopes (10).
