«Барселона» Ла Лиганинг 22-тури доирасида «Эльче»ни 3:1 ҳисобида мағлуб этди. Ушбу учрашувда Ламин Ямал, Ферран Торрес ва Маркус Рэшфорд гол муаллифларига айланишди. Рэшфорд учун бу жорий мавсумдаги ўнинчи гол бўлди.

Opta маълумотларига кўра, ҳозирги мавсумда «Барселона» таркибида олти нафар футболчи 10 тадан ортиқ гол урган. Бу кўрсаткич Европанинг бешта етакчи чемпионати орасида энг яхшиси ҳисобланади. Қолган ҳеч бир жамоада уч нафардан ортиқ футболчи бундай натижа қайд этмаган.

10+ гол урган футболчилар қуйидагилар:
Ферран Торрес (16), Рафинья Диас (13), Ламин Ямал (13), Роберт Левандовски (12), Маркус Рэшфорд (10) ва Фермин Лопес (10).