Angliya Premyer-ligasining 2025/2026 yilgi mavsumi 24-turi doirasida «Manchester Yunayted» hamda «Fulxem» o‘rtasidagi uchrashuv yakunlandi. Bellashuvda «qizil iblislar» 3:2 hisobida g‘alaba qozondi. O‘yin Manchesterdagi «Old Trafford» stadionida bo‘lib o‘tdi.

Uchrashuvning 19-daqiqasida Kazemiro mankunianliklarni oldinga olib chiqqan bo‘lsa, 56-daqiqada Mateus Kunya jamoa ustunligini ikki baravarga oshirdi. 85-daqiqada londonliklar safida Raul Ximenes penaltini aniq amalga oshirdi. 90+1-daqiqada Kevin hisobni tenglashtirdi.

"MYU"ga g‘alaba keltigan golni esa 90+4-daqiqada Benyamin Sheshko urdi.

Ushbu o‘yindan keyin «Manchester Yunayted» 41 ochko bilan turnir jadvalida to‘rtinchi o‘rinni egallab turibdi. «Fulxem» esa 34 ochko jamg‘argan holda sakkizinchi pog‘onada joylashgan.

Keyingi turda «qizil iblislar» 7 fevral kuni o‘z maydonida «Tottenxem Xotspur»ni qabul qiladi, «Fulxem» esa shu kuni uyda «Everton»ga qarshi bahs olib boradi.

Angliya Premyer-ligasi. 24-tur
«Manchester Yunayted» (Manchester) — «Fulxem» (London) — 3:2
Gollar: 1:0 — Kazemiro (19'), 2:0 — Kunya (56'), 2:1 — Ximenes (85', penalti), 2:2 — Kevin (90+1'), 3:2 — Sheshko (90+4')