«Real» o‘z maydonida «Rayo Valyekano»ni 2:1 hisobida mag‘lub etdi. O‘yindan so‘ng «qaymoqranglilar»ning yulduz hujumchisi Kilian Mbappe ijtimoiy tarmoqlarda post qoldirdi. G‘alaba golini aynan fransiyalik futbolchi ikkinchi taymga qo‘shib berilgan daqiqalarda penaltidan urdi.
«Oxirigacha kurashamiz. Biz sizlarni hech qachon uyaltirmaymiz. Hala Madrid!» — deb yozdi Mbappe.
«Real» Ispaniya chempionati jadvalida ikkinchi o‘rinda turibdi. «Barselona»dan ortda qolish — atigi bir ochko.
Kelasi turda «Real» «Valensiya»ga qarshi maydonga tushadi. Uchrashuv 8 fevral, yakshanba kuni bo‘lib o‘tadi.
