«Реал» ўз майдонида «Райо Вальекано»ни 2:1 ҳисобида мағлуб этди. Ўйиндан сўнг «қаймоқранглилар»нинг юлдуз ҳужумчиси Килиан Мбаппе ижтимоий тармоқларда пост қолдирди. Ғалаба голини айнан франциялик футболчи иккинчи таймга қўшиб берилган дақиқаларда пенальтидан урди.
«Охиригача курашамиз. Биз сизларни ҳеч қачон уялтирмаймиз. Hala Madrid!» — деб ёзди Мбаппе.
«Реал» Испания чемпионати жадвалида иккинчи ўринда турибди. «Барселона»дан ортда қолиш — атиги бир очко.
Келаси турда «Реал» «Валенсия»га қарши майдонга тушади. Учрашув 8 февраль, якшанба куни бўлиб ўтади.
